مارک بریسۆن، باڵیۆزی بەریتانیا لە عێراق و دەیڤید هانت، کونسوڵی بەریتانیا لە هەرێمی کوردستان سەردانی دامەزراوەی ڤیم، ئاژانسی مێترۆگرافی و مۆزەخانەی کامەرانیان کرد.

لەسەردانەکەدا باڵیۆز و کونسوڵی بەریتانیا سەرجەم بەشەکانی دامەزراوەی ڤیم-یان بەسەرکردەوە و ستایشی ئەو رۆڵە گرنگەی دامەزراوەکەیان کرد بۆ شێوازێکی نوێی کارکردنی دامەزراوەیی لە هەرێمی کوردستان و عێراق بۆ بەرەوپێشبردن و گۆڕانکاری ئەرێنی لە کۆمەڵگەدا. لەپەراوێزی کۆبوونەکەدا باڵیۆز و کونسوڵی بەریتانیا گفتوگۆیەکیان لەگەڵ ژمارەیەک کچە چالاکوانی سلێمانی کرد کە لە بوارە جیاوازەکاندا کار دەکەن و پشتگیری خۆیان بۆ ئافرەتان دووپاتکردەوە.